Земјотрес кај Зеница во БиХ, голем број граѓани излегоа на улица

30/12/2023 22:42

Земјотрес ја погоди територијата на Босна и Херцеговина, а почувствуван е во многу градови.

ЕМСЦ, прво јави за земјотрес од 5,4 степени според Рихтер, но подоцна намали на 4,7. Сепак, бројни сведоштва на оваа страница од граѓаните од речиси половина Босна и Славонија во Хрватска, велат дека го почувствувале тресењето и излегле надвор.

Тресењето на земјата го почувствуваа и граѓаните на Сараево, но и Зеница, Купрес, Тузла, Градачац и многу други градови.

Според првите информации од веб-страницата ЕМСЦ, јачината на земјотресот е 5,4 степени според Рихтеровата скала.

Исто така, според првичните информации, епицентарот на земјотресот бил на 10 километри северозападно од Зеница на длабочина од девет километри.

Бројни граѓани на Зеница вечерва излегоа на улиците по силниот земјотрес што беше регистриран на десет километри северозападно од овој град во Босна и Херцеговина.

Засега нема информации за поголеми материјални штети на објекти, но граѓаните беа многу вознемирени од вечерашниот земјотрес.

Според првите информации, епицентарот на земјотресот бил најблиску до областа Немила, а на ова подрачје биле испратени бројни полициски патроли.

Она што е познато е дека на главниот пат во оваа делница имало свлечиште, но нема информации дали одронот е предизвикан од земјотрес.

Поврзани содржини

И комесарот за човекови права на ОН ја обвини Србија за бруталност
Жена се породи на паркинг на бензинска пумпа во Србија
Судот во Стразбур го одби барањето на Додик а запирање на одлуката за негово отстранување од претседателката функција во РС
Конститутивна седница на новиот словенечки парламент, најавени предизвици
Албанија го отвора патот за производство на бродови и борбени беспилотни летала
Хаос на ГП Бајаково за влез во Хрватска: Деца од Србија заглавени со часови, колони во сообраќај
Турција со јасна порака до Трамп: НАТО не е должен да им помогне на САД
Балканскиот рис повторно фотографиран во Националниот парк “Шебеник”

Најчитани