Заштедете при резервација: Ова се деновите во месецот кога авионските билетите се најевтини

Кога ги бараат најевтините авионски билети, многумина го бараат најдоброто време од годината или најдобриот месец, недела или дури и најдобро време од денот за да купат авионски билети.

Но, има многу фактори кои влијаат на цените, така што не постои златно правило кое важи за сите летови, ниту пак има одредено време од денот, неделата или месецот кога е генерално подобро да се резервира. Но, постојат некои општи правила што можете да ги следите за да го направите вашиот билет што е можно поевтин.

Кој е најдобриот ден за купување авионски билети?

Можеби сте слушнале дека најдобро време за купување авионски билети е вторник на полноќ, но според Хејли Берг, главен економист во туристичката апликација Хопер, тоа не е секогаш случај.

„Откривме дека се однесува само на 1,6 отсто од рутите и носи 6 отсто заштеда“, рече Берг.

Најевтини денови за летање: од вторник до четврток. Според студијата CheapAir Airfare, неделата е најскапиот ден.

Колку однапред треба да резервирате летови?

За меѓународно патување, треба да резервирате до шест месеци однапред, според Expedia. Да, многу е рано, но податоците на компанијата покажуваат дека патниците кои планираат толку однапред заштедуваат до 10 отсто во споредба со оние кои купуваат билети помалку од два месеци пред патувањето, пишува Reader’s Digest.

Бидејќи многумина се враќаат на работа од одмор, крајот на јануари и февруари се најевтините месеци за летање. Податоците на Expedia покажуваат дека август е најевтиниот месец за летање при топло време, со просечни цени за речиси 10% пониски од јули.

Како можете да ги добиете најдобрите зделки?

Пребарајте ги најдобрите веб-страници за евтини летови. Постојат неколку места на кои можете да проверите кои летови се поевтини, како Expedia, Skyscanner, Orbitz, Momondo, Kayak и CheapAir.

Не заборавајте да ги прочитате ситните букви, обрнувајќи внимание на какви било неочекувани такси или ограничувања, пред да резервирате. И имајте на ум дека авиокомпаниите секогаш ќе им даваат предност на патниците кои резервирале директно преку нив, наместо преку веб-страница на трета страна.

Кога е најлошото време за летање?

Празниците секогаш ќе бидат најпрометното време за патување бидејќи секој се обидува да оди некаде да прослави. Цените обично се повисоки, но тоа не е единствената причина зошто ова е најлошото време за летање. За време на празниците секогаш има метеж и тоа не само на најфреквентните аеродроми во светот.