Започнува сезоната на раскинувања: Зошто токму пред празниците?

Ако размислувате да ставите крај на несреќна врска пред празниците, експертите велат дека сега е совршено време да го направите тоа. Како што се приближува едно од најромантичните периоди во годината, одлуката за раскинување може да биде тешка, но ако сакате да бидете внимателни кон вашата партнерка, подобро е да дејствувате што е можно поскоро.

Зошто мажите остануваат во несреќни врски?
„Од средината на ноември до почетокот на декември е обично најљубезниот временски период“, вели Клер Доус, психолог за врски во Private Investigations UK (PIUK). „Им дава простор на двајцата луѓе да процесираат пред да започне социјалниот притисок од празниците. Чекањето до последните денови од декември може да го направи раскинувањето сурово или хаотично.“

Според неа, следниот голем бран на раскинувања се случува веднаш по Нова Година, поточно помеѓу 3 и 7 јануари.

Празниците се врвот на сезоната за неверство
Иако празничната сезона е позната по романсата, истражителите велат дека тоа е исто така еден од најзначајните периоди во годината кога неверството може да се открие. Ако се сомневате дека вашиот партнер ве изневерува на новогодишната ноќ, постојат голем број предупредувачки знаци на кои треба да внимавате.

Тие вклучуваат продолжени „патувања за купување подароци“ кои се протегаат со часови, бидејќи партнерите го користат новогодишното купување „како изговор за да исчезнат“. Необележани торби, скриени кутии или луксузни предмети без јасен примач, исто така, можат да сигнализираат дека нешто не е во ред, како и ненадејните промени во онлајн присуството и неизвесноста околу сопствената достапност.

„Секој декември гледаме нагло зголемување на сомнителните случаи“, рече Џон Истхам, главен истражител на PIUK. „Канцелариските забави, доцното шопингување и ненадејната тајност се класични маски за однесување кое не се вклопува. Празничниот период им дава на луѓето готови изговори за необично однесување. Ако нешто изгледа сомнително, веројатно е“, велат од PIUK.

Мажите се посклони кон изневерување под стрес
Студија објавена претходно оваа година покажа дека мажите се посклони кон афери од жените за време на многу стресни настани. Истражувачите на Универзитетот Индијана Блумингтон анкетирале повеќе од 1.000 возрасни лица во хетеросексуални врски во текот на првата година од пандемијата на Ковид.

Вкупно 19 проценти од испитаниците признале дека имале некаков облик на неверство, преку интернет или лично. Анализата открила дека мажите почесто наведуваат дека нивната желба да бидат неверни се зголемила за време на пандемијата и почесто пријавуваат дека ја изневерувале својата партнерка.