За какви бизарни работи казнува инспекцијата во Австрија – казна 2.200 евра!

Инспекторат во Австрија казни сопственичка на хотел со 2.200 евра, а за многумина причината е бизарна.

Трудовиот инспекторат во Австрија изрече казна од 2.200 евра на сопственичка на хотел од Долна Австрија, а причината е прилично бизарна.

Имено, Илона Бугелниг од 2012 година го води хотелот Landhaus Moserhof во Гамполидскирхен со својот сопруг и досега немаат никакви правни проблеми.

Но, и покрај исполнувањето на комерцијалните и градежните барања, шокот дошол откако трудовата инспекција ја посетила и изрече казна од 2.217,60 евра бидејќи не ги евидентирала детално дневните прекини во работата на нивните работници.

Иако веќе неколку години се грижи за платите на работниците, сопственичката за Хојт изјавила дека првпат во кариерата добива ваква казна.

„Нашите вработени можат да одмараат во текот на денот кога сакаат. Она што го прават тогаш е нивни приватен живот“, вели сопственичката.

Иако во системот се евидентирани получасовни паузи, од трудовата инспекција изјавија дека требало да се забележат помали паузи во текот на денот.

На пример, вработените треба да запишат кога биле во тоалет или на „пуш-пауза“.

Како што изјави таа, за сето ова ќе треба да постават камери и електронско снимање.

„Сега ќе инсталирам електронско снимање и исто така ќе ги охрабрам моите вработени да ги забележуваат своите паузи во писмена форма, дури и ако тоа им стане досадно“, рече таа.