За имплозијата на подморницата „Титан“ виновна е фирмата „Оушнгејт“, вели американската крајбрежна стража

„Оушнгејт“ е виновен за повеќекратни пропусти и е „главен“ виновник за имплозијата на приватната подморница „Титан“ во која загинаа пет лица за време на истражувањето на остатоците од бродот „Титаник“ во 2023 година, соопшти американската крајбрежна стража во извештај објавен во вторник.

Крајбрежната стража ги критикуваше речиси сите аспекти од работењето и управувањето на „Оушнгејт“, наведувајќи повеќе фактори што доведоа до неуспехот на „Титан“.

„Оушнгејт“ имаше „критично недоволни“ безбедносни практики и токсична култура на работното место, се вели во извештајот за компанијата што управуваше со „Титан“.

Американската крајбрежна стража вели дека компанијата користела „тактики на заплашување“ за да избегне регулаторен надзор и „целосно“ ги игнорирала клучните проверки.

Извршниот директор Стоктон Раш покажал „небрежност што придонела за смртните случаи“, заклучила крајбрежната стража, додавајќи дека тој би бил обвинет доколку ја преживеел несреќата.

Семејствата на две жртви рекоа дека „ниту еден извештај не може да го промени“ трагичниот исход од несреќата и повикаа на „значајни реформи“.

Подморницата „Оушенгејт“ имплодираше 90 минути по нуркањето, при што пет од жртвите загинаа веднаш.