Војниците во Европа си заминуваат токму кога се најпотребни на НАТО

ПАРИЗ – Повеќе не се работи толку за регрутирање нови војници колку за убедување на постоечките да не се откажат. Оваа недела, францускиот министер за вооружени сили Себастиен Лекорну претстави план за задржување таленти за да го поттикне воениот персонал да остане во униформа. Тоа доаѓа неколку дена откако годишниот извештај доставен до германскиот парламент покажа дека во 2023 година, околу 1.537 војници го напуштиле Бундесверот, намалувајќи го бројот на војници на 181.514 лица.

„Вакви разговори сега постојат во сите главни градови, во сите демократии кои имаат професионални армии без регрутација“, рече Лекорну во понеделникот, споменувајќи ги Обединетото Кралство и САД.

„На состаноците на НАТО можеме да зборуваме за опрема, но сега зборуваме и за… нивото на задржување“, додаде тој.

Додека Европа повторно се вооружува како реакција на војната во Украина, земјите како Хрватска размислуваат да го вратат воениот рок. Други, како Данска, планираат да го прошират и да ги вклучат жените. Германија го укина регрутирањето во 2011 година, но со оглед на тоа што многумина од војската стареат без служба, повторно почна  дискусија за повторно воведување на некој вид на национален систем на служба. За земјите кои се потпираат на професионални армии, предизвикот е да ги направат вооружените сили привлечни – нешто што е тешко да се направи во време на ниска невработеност, жестока конкуренција од приватниот сектор и широка употреба на работа од далечина.

Во Франција, воениот персонал останува во вооружените сили во просек една година помалку отколку порано. Во Обединетото Кралство има годишен недостаток на вработувања од 1.100 војници – што е еквивалентно на два пешадиски баталјони – иако владата склучи договор за регрутирање во приватната фирма Капита. Парите играат улога во тоа да ги натераат луѓето да останат. Една од водечките мерки на францускиот план е да се зголемат пензиите преку интегрирање на бонуси; се зголемуваат и платите. Но, проблемот е што условите не се толку атрактивни, со хронични прекувремени часови, повеќемесечни отсуства од дома и пропуштени периоди за вообичаено опоравување.

„Прашањето не е регрутирање на нови војници , туку задржување на постојните, ние треба да ги задржиме и семејствата“, вели адмирал Лиза Франчети од  САД. 

Во Полска, новата влада оваа година најави зголемување на платите за околу 20 отсто во обид да ги задржи војниците. Минималната месечна плата за војник се зголемува од 4.960 злоти (1.150 евра) на 6.000 злоти. Како одговор на зголемената закана од Русија, полската војска порасна од 95.000 во 2015 година на 215.000 оваа година.

Францускиот план пак вклучува помош за наоѓање домување и пристап до здравствена заштита и грижа за децата. Паровите кои и двајцата работат во Министерството за вооружени сили, дури и ако едниот е цивил, ќе можат заедно да ги префрлаат работните места.

„Повеќе би сакал да имам помалку регрутации за да го подобрам задржувањето, отколку да одам во треска со регрутирање во која бројот на задржани луѓе постојано паѓа“, рече Лекорну.

Во Германија, како дел од напорите за зајакнување на националната одбрана, владата сака да го зголеми бројот на своите вооружени сили на 203.000 до почетокот на 2030-тите – но регрутирањето бавно расте. Специјалната комесарка за вооружени сили на Бундестагот, Ева Хогл, рече дека враќањето на некоја форма на регрутација е еден начин да се сменат работите, но таргетирањето на жените е поочигледен потег за да се запре падот бидејќи потенцијалот таму е „далеку од исцрпен“. напиша таа.

Нема само проблеми со часовите на ангажман , туку и со основна инфраструктура.

„Кога ги посетувам војниците, повеќе не слушам дека недостасуваат шлемови и заштитни елеци – туку шкафчиња“, напиша Хогл во годишниот извештај.

Според Хогл, поправката на касарните и воените објекти ќе чини околу 50 милијарди евра – што е еднакво на половина од вкупниот специјален фонд што владата го создаде за ажурирање на своите воени сили во пресрет на целосната инвазија на Русија на Украина.