Во Мајорка уапсен човек кој заразил 22 лица со корона

Човекот одел и на работа и во теретана, иако ги имал сите знаци дека е инфициран со Ковид-19

Маж од Мајорка кој зарази 22 лица со Ковид-19 е уапсен под сомнение за напад затоа што одел на работа и во теретана и покрај знаците дека има вирус, соопшти полицијата.

Полицајците на шпанскиот остров започнаа истрага на крајот на јануари по избувнувањето на жариштето во градот Манакор, по извештаите дека еден вработен „се заразил, но ја скрил својата болест“, се вели во соопштението во саботата.

Неколку дена пред да се открие епидемијата, тој започна да покажува симптоми кои ги загрижиле неговите колеги, но не сакал да оди дома.

На крајот на денот, тој отишол на PCR тест, но не го чекаше резултатот, враќајќи се следниот ден на својата работа и исто така одејќи во неговата локална спортска сала.

На работа, и менаџерот и персоналот инсистираа тој да си оди дома затоа што можеше да ги зарази сите, а подоцна и соопшти на полицијата дека има температура од над 40С.

Но, тој ги игнорирал и денот го поминал шетајќи по своето работно место, намерно спуштајќи ја маската кога кашла и ги исмејувал колегите велејќи им: „Ќе ве заразам сите со корона вирус“, рече полицијата.

Кога неговиот резултат од ПЦР се појави на крајот на денот, тој беше позитивно, предизвикувајќи тревога кај неговите колеги кои исто така биле тестирани. Петмина од нив биле позитивни, а за возврат заразиле неколку членови на нивното семејство, вклучувајќи и три едногодишни бебиња.

Во салата три лица кои биле во директен контакт со него биле заразени и го пренеле вирусот на членовите на семејството.

Полицијата соопшти дека неговите постапки резултирале со вкупно 22 инфекции, иако никој не барал болничко лекување. Мажот е уапсен под сомнение за напад. (АФП)