(Видео) Корпусот „Азов“ уништи руска оклопна колона кај Покровск

Руските сили претрпеа тежок пораз во уште еден обид да ја пробијат украинската одбрана во секторот Добропиље, а објавените видеа покажуваат уништени оклопни возила. Украинските беспилотни летала нападнаа и одбија руска оклопна колона во саботата, само неколку километри од опколениот град Покровск, објавува „Киев пост“.

Во нападот извршен од Првиот корпус „Азов“ на Националната гарда на Украина, погодени се еден тенк, девет оклопни возила за спасување MT-LB и BREM, четири теренски возила и еден поставувач на мост. Според објавата на Првиот корпус на Телеграм, движењето на Русите било запрено во неколку насоки истовремено.

Голем дел од заслугата за одбивувањето на нападот ѝ се припишува на групата „Лазар“, посебна единица на специјалните сили во рамките на украинските сили за беспилотни системи.

🔥Another Russian attack on Dobropillia repelled today by the @azov_media Lasar’s Group and the @usf_army.

The enemy used 1 tank, 9 MT-LBs, an armored recovery vehicle, a bridge-layer, and 4 quad bikes, advancing along multiple routes. Enemy armored assault groups were… pic.twitter.com/CmXBXh0d8Z

— Special Kherson Cat 🐈🇺🇦 (@bayraktar_1love) December 26, 2025

Иако видеото покажува како оклопни возила се погодени на терен покриен со снег, „Киев пост“ не можеше независно да го потврди точното време и локација на снимката. Првиот корпус изјави дека ова е само дел од руските загуби во таа област.

„Денес погодените непријателски оклопни возила се само дел од нивните загуби во секторот Добропиље. Наскоро ќе го објавиме точниот број на загуби на руските вооружени сили во Добропиље во резултатите од годината од 1. корпус на Националната гарда „Азов““, се вели во соопштението.