(Видео) Големи нереди во Германија, опожарен пензионерски дом, уапсени над 300 лица, повредени полицајци
Во Берлин на новогодишната ноќ избувнаа нереди во кои демонстрантите користеа петарди и ракети за огномет. Уапсени се повеќе од 300 луѓе, јавија агенциите.
Најмалку 15 полицајци се повредени, а повеќе од 300 лица се уапсени во немирите во Берлин на новогодишната ноќ.
Демонстрантите, главно млади, меѓусебно се нападнале со петарди и ракети, пренесува Билд.
Најголемите судири се забележани пред Црвеното градско собрание кај Александарплац.
Немири избувнаа и во Лихтенраде, јужно предградие на Берлин.
Chaos in Berlin as fireworks are being shot on everything that is moving.
This now happens every New Year’s Eve
Via @rubnpulido
— Visegrád 24 (@visegrad24) January 1, 2024
Десет лица со тешки повреди се примени во болница во Берлин.
Во Нојколн гореше пензионерски дом. Наводно, ракетата влетала низ прозорецот. Никој не е сериозно повреден, неколку лица настрадале од вдишување чад.
Am Berliner #Alexanderplatz kam es zu einer chaotischen Feuerwerksschlacht. #Silvester2023 pic.twitter.com/6C858w5s27
— BILD (@BILD) January 1, 2024
На улица во Нојкелн беа запалени барикади направени од дрвени палети, но полицијата набрзо ги отстрани. Нашле и скривалиште исполнето со готови молотови коктели за употреба.
Полицијата ги растера противниците на Израел кои спонтано се собраа да извикуваат антиизраелски пароли. „Ова е Нојколн, Германија е некаде на друго место“, изјави еден од учесниците во немирите за новинарот на Билд.
Полицијата уапси 20 лица во Франкфурт на Мајна откако стотици млади луѓе фрлаа петарди на други славеници и полицајци.
Во Кобленц од експлозија на петарда загина 18-годишник, а полицијата го истражува случајот.
Во Аугустусплац, плоштад во Лајпциг, неколку луѓе беа повредени од петарди.
Anti-Israel protesters have crashed the public New Year’s Eve celebration at Boston Common.
They are chanting “no-one gets to celebrate as long as bombs are dropping” pic.twitter.com/vlLten22ag
— Visegrád 24 (@visegrad24) January 1, 2024