Велика Британија одобри изградба на нов патен тунел под Темза

Велика Британија денеска даде зелено светло за нов патен тунел од 10 милијарди фунти под реката Темза во југоисточна Англија, во својата најнова поддршка на инфраструктурниот проект што ќе помогне за заживување на забавената економија.

Британската лабуристичка влада се обидува да го забрза процесот на планирање на испораката на нови енергетски и транспортни проекти откако беше избрана минатата година, со поддршка за проширување на лондонските аеродроми Хитроу и Гетвик.

Преминот Долна Темза, кој се состои од 23 километри тунели и патишта, доби одобрение за изградба од министерката за транспорт Хајди Александар, соопшти Инспекторатот за планирање.

Тунелот ќе го поврзе Кент, јужно од реката, со Есекс на северната страна. Ќе се подобри поврзаноста и ќе се обезбеди поголем патен капацитет за транспорт на стоки меѓу пристаништата и централна и северна Англија.

Министерката за финансии Рејчел Ривс во јануари рече дека Владата е посветена на транзицијата и додаде дека се истражуваат опции за приватно финансирање на проектот.

Проценетиот трошок за проектот се зголеми на 10 милијарди фунти во однос на пет на седум милијарди фунти во 2017 година. Се очекува дека изградбата ќе трае шест години.