Вакцината „Фајзер“ има 91% ефикасност до шест месеци, покажува новата студија
Вакцината против коронавирус развиена од „Фајзер“ и нејзиниот германски партнер „Бионтек“ штити од симптоматски ковид до шест месеци, откри ажурирана анализа на податоците од клиничкото испитување.
Во изјавата објавена во четвртокот, компаниите објавија ефикасност од 91,3% против какви било симптоми на болеста кај учесниците проценувани до шест месеци по нивната втора доза. Нивото на заштита е само маргинално пониска од 95 отсто постигнато наскоро по вакцинацијата.
Наодите се први кои демонстрираат дека вакцината останува ефикасна многу месеци, исход за кој очајно се надеваа лекарите и научниците, бидејќи сугерира дека луѓето кои се вакцинираат сега треба да бидат заштитени барем до есента.
Анализата на учесниците во испитувањето во фаза 3, во која се вклучени 46.307 лица, идентификуваа 927 симптоматски случаи на ковид. Од нив, 850 беа во плацебо групата на испитувањето и 77 во групата вакцини. Имаше 32 случаи на тежок ковид, како што е дефинирано од страна на Центрите за контрола и превенција на болести на САД (ЦДЦ), во плацебо групата и никој во вакцинираната група. Повеќе од 12.000 лица вакцинирани во испитувањето биле следени најмалку шест месеци по нивната втора доза.
Повпечатливи се резултатите за јужноафриканскиот сој во испитувањето каде беа забележани девет случаи на ковид меѓу 800 учесници. Сите случаи беа во плацебо групата, а шестмина беа потврдени дека се новата „варијанта на загриженост“, Б.1.351
Претседателот на „Фајзер“, Алберт Бурла, рече дека најновите податоци ја ставаат компанијата во позиција да аплицира до Управата за храна и лекови на САД за целосно одобрување на вакцината. Вакцината во моментов е одобрена под овластување за итна употреба.
Резултатите дојдоа кога научниците во Велика Британија пријавија силни имунолошки одговори кај постари лица кои примиле две дози на „Фајзер“. Тестовите на крвта на 100 лица на возраст од 80 до 96 години откриле дека 98 отсто произвеле силни реакции на антитела по две дози на вакцината дадени на три недели разлика. Нивоата на антитела повеќе од тројно по втората доза. (Гардијан)