Вакцинацијата забрзано фаќа темпо низ цела Европа

Најголемиот проблем во првите месеци од годинава – испораките на вакцините – веќе не е пречка за понатамошно забрзување

Холандија минатата среда повторно ги отвори рестораните, Белгијците, игнорирајќи ги официјалните совети, во огромен број возеа на кратки релации преку границата за да уживаат во слободата на нивниот сосед за време на долгиот викенд на денот на трудот. И покрај загриженоста во холандската влада за стапката на инфекција на земјата, брзината на вакцинациите во последните неколку недели и јасното влијание на вакцината за намалување на преносот беа клучот за охрабрување на премиерот Марк Руте да оди кон отворање на економијата.

Според последните официјални податоци, во Холандија, која има население од 17,2 милиони жители, се дава вакцина секоја половина од секунда, огромна придобивка во споредба со раните месеци.

Белгиската влада, иако е малку попретпазлива со оглед на особено мрачните месеци со кои се соочи земјата за време на пандемијата, соопшти дека планира повторно да ги отвори терасите на рестораните на 8 мај, откако темпото на вакцинацијата се засили.

Оваа еволуција се гледа насекаде во ЕУ. Освен проблемите на Бугарија, Летонија, Хрватска и Романија, солидно над 20% од населението во секоја од другите земји-членки на ЕУ сега имаат добиено вакцина, а малата островска држава Малта е предводник на 52,43%.

Меѓу 23-те земји-членки на ЕУ кои се пријавиле во Европскиот центар за контрола и превенција на болести, средниот број на вакцинирани над 80 години е 73,1 отсто. Германија минатиот четврток ја прослави пресвртницата на администрирање на 1 милион дози за еден ден, а Франција го сруши својот рекорд на крајот на минатата недела, давајќи 549.000 во петокот.

Додека само 14 милиони дози беа доставени до земјите-членки во јануари, 28 милиони во февруари и 60 милиони во март, официјалните лица соопштија дека 105 милиони пристигнаа во рацете на здравствените работници во април. (Според агенциите)