Татковците ќе се разочараат: Децата ги наследуваат овие четири особини од нивните мајки

Од нашите родители наследуваме се, од однесување до интелигенција.

Иако генетиката е сложена работа, истражувањата покажаа дека некои специфични особини ги наследуваме само од нашата мајка.

Интелигенција

Големото истражување на Универзитетот во Глазгов, во кое беа анкетирани повеќе од 12.000 млади луѓе на возраст од 14 до 22 години, покажа кои фактори влијаат на интелигенцијата, вклучително и социо-економскиот статус и образованието. Резултатите покажале дека мајката имала најголемо генетско влијание.

Нивниот коефициент на интелигенција варирал само за 15 поени во просек во споредба со нивните мајки.

Навики на спиење

Истражувањето објавено во списанието „Sleep Medicine“ минатата година покажа дека мајките ги пренесуваат своите навики за спиење на своите деца и дека децата чии мајки имаат проблеми со несоница одат подоцна во кревет и помалку се одмораат.

Интересно е што научниците не ја нашле истата врска со татковците.

Брзина на стареење

Се чини дека гените на нашата мајка влијаат на тоа колку брзо старееме.

Научниците од Институтот Макс Планк открија дека митохондријалната ДНК што ја наследуваме исклучиво од нашите мајки може делумно да го контролира стареењето. Меѓутоа, во студијата учествувале глувци, а не луѓе, а потребни се дополнителни истражувања.

Минувањето низ менопауза

Се чини дека возраста во која ќе поминете низ менопауза може да ја наследите од вашата мајка.

Студијата на Институтот за истражување на рак во Обединетото Кралство од 2011 година на над 2.000 жени покажа дека и раната и доцната менопауза (пред 45-та и по 55-та година) се јавуваат во семејства.

Откриено е дека жените чии мајки и сестри поминале низ менопауза рано или доцна имаат шест пати поголем ризик.

Сепак, истражувачкиот тим нагласи дека не е важна само генетиката, бидејќи и начинот на живот може да игра голема улога. Така, на пример, жените кои пушат обично минуваат низ менопауза две години порано.