Свадбарска кисела зелка: Старински специјалитет полн со месо
Свадбарска кисела зелка некогаш често се служела, а се прави од храна која сите ја обожаваме – кисела зелка и месо.
Свадбарската кисела зелка е стар рецепт направен од кисела зелка и повеќе видови месо. Ова јадење е силно и идеално за зимата, а долгото крчкање им овозможува на месото и зелката да испуштат сокови кои кога ќе се измешаат го прават ова јадење вистинско гурманско јадење во кое секој ќе ужива.
Состојки:
2 кг кисела зелка
1 кг месо по избор
1/2 кг суви ребра
1/2 кг сланина
1 кромид
4 чешниња лук
1 лажица маст
1 лажица слатка пиперка
бибер во зрно
ловоров лист
Подготовка:
Чекор 1
Подгответе ги состојките
Во тава со малку масло пропржете го ситно исечканиот кромид, па кога ќе омекне, тргнете го од шпорет и додадете ја слатката пиперка. Сè добро измешајте. Исечете ја киселата зелка на поголеми парчиња. Месото и сланината исечкајте ги, а ребрата оставете ги на парче.
Чекор 2
Наредете ги состојките
Намачкајте земјена тава, а потоа покријте го дното со листови зелка. Потоа наизменично наредете ги состојките. Малку сечкана зелка, кромид, а потоа сечкано месо. На крај посипете со зрна бибер, наредете цели чешниња лук и ловорови листови. Последниот ред треба да биде кисела зелка. Истурете топла вода и покријте го садот со соодветен капак.
Чекор 3
Гответе ја свадбарската кисела зелка
Гответе додека не почне да врие, а потоа намалете ја топлината и динстајте уште 4 часа. Колку подолго се крчка, толку е повкусна. Ако сакате, можете да додадете малку доматен сос во водата.