Студентите извикуваа „Уаа!“ при говорот на Јаневска на собирот за жртвите од Кочани. Таа си замина

Говорот на министерката за образование, Весна Јаневска, на платото во УКИМ, како и претходно на ректорката Биљана Ангелова, беше прекинат затоа што меѓу насобраните студенти на нeколкумина им се слоши.

Беше повикана брза помош, а се бараше и од студентите по медицина да им помогнат на своите колеги. 

По интервенцијата на лицата на кои им се слошило, студентите извикуваа „Уаа, уаа!“, по што министерката замина и не продолжија говорите.

Инаку, денеска во 12 часот пред платото на УКИМ студентите се собраа да запалат свеќи за жртвите од пожарот во дискотеката во Кочани, да положат цвеќиња и да искажат поддршка на повредените.

Беа поставени и пунктови за донации и книга на жалост пред Правниот факултет.

„Занемени сме од тага, шок неверување, немоќ, не ни останува ништо друго освен да го покажеме нашето заедништво. Од името на УКИМ и од мое лично име изразувам најдлабоко и најискрено сочуство. Нивната загуба е и наша, колектива. Ве повикувам да ј апокажеме нашата хуманост и солидарност“, рече ректорката Билјана Ангелова.

Нејзиниот говор беше прекинат за да помине медицинска екипа.

Ректорката потоа извести дека студентот на кој му се слошило е добар и укажана му е помош, а се бараше и да му се однесе сок.

Потоа се обрати и министерката за образование Весна Јаневска, која им се заблагодари на студентите за нивното приуство.

„Овде сме сите заедно за да им помогнеме на живите да ја преболат тагата“, рече таа.

И говорот на министерката беше прекинат. Претседателот на студентите при УКИМ извести дека повикани се неколку амбулантни возила. А толпата насобрани студенти почна со извици „Уа, уа“ при што министерката си замина и не го продолжи говорот.

Претседателот на студентското собрание рече дека ова не е протест туку собир кој треба да помине во мир и тишина, а порача дека цела недела ќе породлжат собирите, при што ги повика сите да присуствуваат.