(Видео) Стотици граѓани на протест во Кочани – извикуваат „Убијци!“ и „Сакаме правда“
„Со молчењето стигнавме до овде“ е пораката на денешниот протест во Кочани. Граѓаните се гневни. Се фрлаат камења кон општинската зграда
Стотици граѓани излегоа на протест денеска во Кочани, по трагичната несреќа каде во пожар загинаа 59 луѓе, најмногу од овој град, во дискотеката „Пулс“.
Се фрлаат камења кон општинската зграда и извикуваат дека сакаат правда.
„Убијци“, се извикува кон институциите, а се договараат да одат и пред полициската станица. Од таму се упатуваат кон судот во Кочани.
„Со молчењето стигнавме до овде“ е пораката на денешниот протест во Кочани. Демонстрантите, кои ги има од секоја возраст, бараат одговорност за трагедијата што ја потресе земјата.
Тие порачаа дека е време за масовност, заедничка борба и јасно изразување на револтот против системот кој, како што велат, е трул од корупција.
Толпата е пред зградата на Општина Кочани, извикуваат „Секој еден може да биде следен!“, испраќајќи силна порака дека никој не е заштитен од системот што, како што велат, ги остава граѓаните на милост и немилост.
