Србин e уапсен за убиството на главниот дизајнер на „Ролс-Ројс“
![](https://nezavisen.mk/wp-content/uploads/2024/07/Screenshot-2024-07-16-103313-1068x580-1-1-1.png)
Француското правосудство води постапка за екстрадиција против Србинот уапсен во Париз, осомничен за убиството на Британецот Иан Камерон (74), дизајнер на компанијата Ролс-Ројс, кој беше избоден со нож на 12 јули во неговиот дом во Хершинг, во близина на Минхен. Германија.
Според Европол, Србинот бил уапсен на 18 јули и не давал отпор на француската полиција. Како што додаваат, во акцијата за апсење учествувала и српскиот МУП. Тој ќе биде екстрадиран во Германија, каде ќе му се суди за убиство.
Баварската полиција верува дека убиецот заѕвонил на вратата од луксузниот дом во Хершинг и го нападнал Камерон веднаш штом ја отклучил вратата. Неговата сопруга Вероника Клос, исто така дизајнерка во Rolls-Royce, побегнала од куќата и ги предупредила соседите.
Следеше опсежна потрага по убиецот, која беше отежната од силниот дожд. Осомничениот беше идентификуван откако беше објавена неговата фотографија снимена од надзорните камери во блискиот супермаркет. Носел светло сива маица и сини шорцеви. Тој беше фотографиран и по злосторството, облечен во различна облека – светло сиви панталони и темно сина дуксерка со качулка, жолто-зелени ракавици и носејќи црвен ранец.
Откако беше пронајдено телото на Камерон, полицијата ги пребаруваше градините и патиштата на соседите долж источниот брег на езерото Амерсли, користејќи хеликоптери, дронови и кучиња трагачи. Полицијата ги предупредила мештаните да не му приоѓаат на осомничениот. При претресот во шумата, недалеку од куќата на жртвата, бил пронајден црвен ранец со облеката што ја носел убиецот на првото видео, купени ракавици во а. продавница, како и нож со кој, се верува, го убил Камерон.
На фотографиите од куќата на Камерон, која според британските медиуми е вредна три милиони фунти, покажаа дека се исечени каблите од надзорната камера. Утврдено е дека се исечени и каблите на камерите за надзор во гаражата, па се сомнева дека убиецот имал намера да му украде еден од скапите автомобили на Камерон.
Засега не е откриен идентитетот на уапсениот, ниту е наведено кој бил мотивот на злосторството. Во моментот на апсењето во неговиот стан во Париз биле пронајдени 200 евра, додека според информациите на баварската полиција од куќата на Камерон не било украдено ништо.
Целата германска полиција шест дена го барала Србинот, но тој успеал да побегне прво во Цирих, од каде отпатувал за Париз. Германските медиуми јавуваат дека полицијата примила повеќе од 80 пријави, а еден сведок од Минхен наводно рекол дека го познава осомничениот и и го кажал на полицијата неговото име.
Иан Камерон, кој го предводеше дизајнерскиот тим на познатите модели „Phantom“ и „Ghost“, се пресели во Хершинг пред 11 години. Кариерата ја започнал во италијанската дизајнерска компанија „Пинифарина“ во 1975 година, а во 1992 година се преселил во компанијата „Бе-Ем-Ве“, која го презела „Ролс-ојс“. Тој значајно придонесе за создавањето на моделите „be-em-ve E46“ и „Z8“, кои беа видени и во филмот за Џејмс Бонд „Светот не е доволен“. Откако работеше на третата генерација на Range Rover, тој стана директор за дизајн на Rolls Royce и остана таму до 2012 година. По пензионирањето, тој водел сопствена компанија како хонорарец, обезбедувајќи консултантски услуги за дизајн.