SpaceX произведува стотици шпионски сателити за американската влада

SpaceX доби договор од Националната канцеларија за извидување на Министерството за одбрана за изградба на мрежа од стотици шпионски сателити во ниска орбита, кои ќе можат да работат како рој и да ги следат целите на земјата, пренесува Reuters.

Угледната новинска агенција цитира пет извори запознаени со програмата и ги заснова своите тврдења на претходните извештаи на The Wall Street Journal во кои беше откриено дека SpaceX потпишал договор вреден 1,8 милијарди долари уште во 2021 година.

Сателитската мрежа наречена Starshield, наводно, континуирано ќе собира фотографии од Земјата за американските разузнавачки служби и ќе користи комбинација од големи сателити за собирање податоци додека се потпира на сателити за пренос на информации.

Еден извор тврди дека никој нема да може да се скрие од Starshield. Сè уште нема официјална потврда за овој план, НРО изјави за Ројтерс дека го развива најнапредниот, разноврсен и еластичен систем за надзор и извидување на вселената што светот некогаш го видел.

Минатата есен беше објавено дека SpaceX склучил договор со американските вселенски сили за овозможување сателитски комуникации како дел од програмата Starshield. Ова е посебен ентитет кој е одделен од Starlink, бидејќи фронтменот на SpaceX, Илон Маск, тврди дека Starlink мора да остане „цивилна мрежа“ додека Starshield е наменет за владини и национални безбедносни цели.