Шведска – најодржлива туристичка дестинација во Европа

Шведска е најодржливата туристичка дестинација во Европа, според новиот меѓународен индекс за одржливи патувања на Euromonitor за 2023 година. Од вкупно 20 земји, само една не е членка на Европската Унија. Традиционално, оваа листа вклучува европски земји кои зад себе ги оставиле Америка, Азија и Африка. На второ место е Финска, а на трето Австрија. Јужноамериканската дестинација Уругвај за прв пат е на првите 20 места, напредувајќи за 15 места во однос на претходната година“, се наведува во соопштението на оваа организација, кое го пренесува порталот „Шенфен виза инфо“. Кога станува збор за градовите, најодржливи градови се Мелбурн, Мадрид и Севиља. Патем, листата на земји е направена врз основа на неколку различни фактори вклучувајќи ја еколошката, социјалната и економската одржливост.

-Нашиот Индекс за одржливи патувања користи 56 индикатори во седум столба – еколошки, социјални, економски, ризик, побарувачка, транспорт и сместување. Целокупното рангирање е првото што ги споредува овие параметри за сите 99 земји, вели Каролин Бремнер, шеф за патувања во Euromonitor и International. Како што пренесува овој сајт, европските земји веќе подолго време се обидуваат да промовираат и воведат различни форми на одржлив туризам, со цел да го намалат влијанието на туризмот врз животната средина. На пример, Исланд неодамна започна кампања за да поттикне помалку луѓе да одат на подолги патувања и да го ублажи трендот на масовен туризам во земјата.

Белгија, од друга страна, планира да предложи европска авијациска такса за гориво или авионски билети во обид да го реши нивното влијание врз животната средина. Истражувањата покажаа дека речиси 80 отсто од патниците ширум светот се подготвени да платат најмалку десет отсто повеќе за одржливо патување, и покрај зголемените трошоци за живот. Во исто време, 41 отсто од патниците се исто така подготвени да платат повеќе од 30 отсто повеќе за авантура и еко-туризам, според ова истражување.