Шест ресторани во Словенија добија Мишелинова ѕвезда

Словенија– По долгогодишни обиди конечно Словенија доби ресторани што имаат Мишелинова ѕвезда, односно највисоко признание за квалитет, јави дописникот на МИА од Љубљана.

На специјална церемонија во живо пренесувана од локални медиуми, пет ресторани добија по една, а угостителскиот објект„Хиша Франко“ доби дури две вакви ѕвезди. Коментарите на познавачите се дека во регионот на ниту еден ресторан не му успеало до добие две ѕвезди оддеднаш.

-Ова е посебен ден за Словенија и словенечката гастрономија, изјави министерот за економија Здравко Почивалшек непосредно по објавувањето на информацијата.

Оценувачите на Мишелен минатата година анонимно посетија голем број ресторани во Словенија. Како што изјави меѓународниот директор на оценувачите Гвендал Пуленец, тие биле воодушевени од земјата и како што кажа „кулинарските бисери“ кои ги поседува.