Уредникот на рускиот независен медиум „Медуза“ осуден на пет години затвор

Московски суд  ја осуди издавачката на „Медуза“, Галина Тимченко, во отсуство на пет години затвор за водење „непожелна“ организација, објави. Судот, исто така, ѝ забрани на Тимченко да држи лидерски позиции во траење од пет години.

За време на дебатата, обвинителството побара иста казна.

Тимченко беше обвинета за организирање на активностите на „непожелна“ организација, статус доделен на „Медуза“, која има ледиште во Латвија, од страна на Државното обвинителство на Русија во 2023 година.

Според рускиот закон, на „непожелните организации“ им е забрането да работат во земјата. Поединци за кои ќе се утврди дека се поврзани со „непожелни“ организации можат да се соочат со казна затвор до четири години, додека лидерите на организациите ризикуваат до шест години.

Во јуни 2024 година, московскиот суд ја казни Тимченко со 14.000 рубли за „учество во активностите на непожелна организација“. 

Тимченко беше главен уредник на новинскиот портал „Лента.ру“ до 2014 година, кога беше отпуштена од новоизбраниот сопственик, инвеститорот поврзан со Кремљ, Александар Мамут. Подоцна, Тимченко се пресели во Латвија, каде што го основала медиумот „Медуза“.

Според судските записи цитирани од протераниот новински портал „Медиазона“, обвинителите тврдат дека Тимченко ја основала „Медуза“ од „омраза и презир“ кон рускиот политички систем и неговата внатрешна и надворешна политика.

Тие понатаму тврдат дека таа продолжила да го управува медиумот откако бил означен како непожелен со цел да го одржи своето влијание во Русија, вклучително и преку мобилна апликација што ги заобиколува домашните ограничувања.