Русија го одби мировниот предлог на Трамп
Русија соопшти дека сериозно ги разгледува американските предлози за прекин на огнот во Украина, но дека „не може да го прифати“ сегашниот мировен договор на претседателот Доналд Трамп и постави нов сет на барања.Москва сака САД да го земат предвид она што го гледаат како основни причини за конфликтот, изјави руски дипломат.
„Не слушнавме од (американскиот претседател Доналд) никаков сигнал до Киев за запирање на војната. Сè што постои во моментов е обид да се најде некаква шема што ќе ни овозможи прво да постигнеме прекин на огнот, како што тоа го замислуваат Американците. Решенијата што ги предложија Американците се многу сериозни, но не можеме целосно да ги прифатиме такви какви што се. Ние, се разбира, имаме длабоко и темелно обмислен сет на наши приоритети и пристапи кон ова прашање, кои беа разработени вклучително и од нашиот преговарачки тим на неодамнешните разговори со Американците во Ријад“, рече Сергеј Рјабков во интервју за неделникот „Руски прашања“.
Трамп ги критикуваше рускиот претседател Владимир Путин и украинскиот претседател Володимир Зеленски, изразувајќи фрустрација поради продолжувањето на борбите во војната што вети дека брзо ќе заврши. Трамп инсистираше на тоа дека преговорите се движат напред, но рече дека ќе размисли за воведување дополнителни санкции за да изврши притисок врз Москва.
Путин во суштина го отфрли американскиот предлог за итен и целосен 30-дневен прекин на огнот, и покрај притисокот од Трамп. Зеленски беше директен во анализата на настаните во неговото обраќање.
„Москва отворено ги исмева напорите на нашите партнери за унапредување на мировната агенда“, рече тој.
Путин претходно ја отфрли можноста за привремен прекин на непријателствата, велејќи дека тоа само ќе биде од корист за Украина и нејзините западни сојузници, што ќе им овозможи да ги обноват своите арсенали.Тој инсистира на тоа дека Москва сака сеопфатен договор кој ќе обезбеди трајно решение на конфликтот.Исто така, делумниот прекин на огнот во Црното Море, кој би овозможил побезбеден превоз, пропадна поради условите поставени од преговарачите на Москва.