Рецепт за најдобра маринада за свински ребра

Подгответе маринирани свински ребра според следниот рецепт.

Состојки:
1,8 кг свински ребра
1 јаболко (пасирано)
Сок од ½ лимон
150 гр кечап
6 лажици соја сос
1 лажичка сув лук
1 лажичка мелена пиперка
1 рамна лажичка цимет
1 лажичка мелен бибер
Сол (по вкус, во зависност од соја сос)
2 лажици кафеав шеќер (или мед/обичен шеќер)

Подготовка:
Доколку сакате сочни, ароматични и совршено зачинети свински ребра, оваа маринада е вистинскиот избор. Слатко-киселата рамнотежа на јаболко, кечап и зачини му дава на месото богат вкус и совршена текстура.

Совет:
За уште побогат вкус, можете прво да ги маринирате ребрата, а потоа да ги запечете на кратко на скара или во рерна.

Јаболкото испасирајте го во блендер и измешајте го со сок од лимон за да не потемни. Додадете кечап, соја сос, лук, пиперка, цимет, бибер, сол и шеќер (или мед). Добро измешајте. Свинските ребра премачкајте ги со маринада од сите страни и оставете ги да отстојат најмалку 2 часа, идеално преку ноќ во фрижидер.

Се пече во рерна на 180°C околу 1,5 до 2 часа, повремено преливајќи ја со преостанатата маринада. Послужете топло со прилог по ваш избор.