Принцезата Шарлин се врати во Монако по шест месеци во Јужна Африка

Монако– Принцезата од Монако Шарлин (43) се врати дома!

Извори за „Пипл“ велат дека Шарлин пристигнала рано наутро по ноќниот лет од Дурбан, Јужна Африка.

Мајката на две деца слета на југот на Франција во 8:30 часот по локално време. Враќањето на Шарлин става крај на месечните шпекулации за нејзиното ненадејно и продолжено исчезнување од кнежевството. Таа се симна од приватниот авион на нејзиниот сопруг принцот Алберт во Ница, облечена во црно, носејќи маска.

Според Nice Matin, таа повторно се споила со сопругот принцот Алберт и нивните 6-годишни близнаци, принцот Жак и принцезата Габриела- кои ја поздравиле со голем букет цвеќе – пред сите да заминат со хеликоптер во Монако, според очевидци. 

Принцезата беше во Јужна Африка од почетокот на мај поради инфекција на ОРЛ поради која беа потребни голем број корективни операции во текот на нејзиното шестмесечно отсуство. Долготрајниот престој во родната земја беше предмет на бројни таблоидни обвинувања за проблеми во бракот на кралската двојка.

И Шарлин и Алберт жестоко ги осудија приказните.

Минатиот месец, Алберт (63) ексклузивно за „Пипл“ изјави дека принцезата ги завршила операциите, „е во добра форма и многу подобро расположение“ и дека ќе се врати „многу наскоро“ во Монако. Во разговор за магазинот пред да замине на еколошкиот самит COP26 во Глазгов, Шкотска со децата на двојката, принцот се доверил дека само го чекал конечното одобрение од медицинскиот тим на Шарлин пред да го „испрати авионот“.

Исто така во октомври, Шарлин во едно интервју изјави дека едвај чека да ги види децата. Зборувајќи пред нејзината „последна операција“, таа објасни дека нејзиното здравје продолжува да се подобрува.

„Дојдов во Јужна Африка за да надгледувам некои проекти на фондацијата“, рече таа. „Тогаш не бев добро. Имав инфекција која веднаш беше решена.

Палатата не го коментираше нејзиното враќање.