Поранешниот сопруг на Жизел Пелико виновен за силувањата, доби 20 години затвор

Судски совет од пет судии го осуди Доминик Пелико (63) за тешко силување на неговата сопруга Жизел Пелико, фотографирање и дистрибуирање на фотографиите. Тој доби максимална казна од 20 години затвор. Во момент на изрекувањето на пресудата во судницата беше и Жизел заедно со своите деца.

Вкупно, тој и останатите 46 мажи кои ја силувале неговата сопруга добиле над 400 години затвор.

Тој, исто така, беше прогласен за виновен за обид за тешко силување на сопругата на еден од кообвинетите, Жан Пјер Марешал, Сили, и фотографирање на неговата ќерка Каролин и неговите снаи Аурора и Селин. Се уште не е одредена казна.

Жан-Пјер Марешал е вториот човек кој доби пресуда. Тој беше прогласен за виновен за обид за силување и тешко силување на неговата сопруга, како и за дилање дрога. Жан-Пјер Марешал беше осуден на 12 години затвор, иако обвинителите бараа 17 години.

Шеесет и тригодишникот претходно признал дека го следел примерот на Доминик Пелико, пет години ја дрогирал сопствената сопруга, ја силувал и го повикал Доминик да ја силува и неа.

Пред пресудата, обвинетите лица заедно со Доминик Пелико добија можност да дадат завршни зборови во понеделникот. Околу половина од нив едноставно рекоа „нема што да се додаде“.
15 од нив, сепак, побарале прошка од Жизел Пелико.

На вкупно 51 маж им се суди во Авињон, обвинети за силување и напад заедно со Доминик Пелико. Тие се на возраст од 26 до 74 години, некои имаат деца, а некои се осудени за други кривични дела. Меѓу нив се медицински работник, новинар, затворски управник, советник, војник, возачи на камиони и работници на фарма.

Пелико, кој веќе ги призна злосторствата, беше прогласен за виновен од судот во јужниот град Авињон по повеќе од три месеци судење што ја шокираше Франција и ја претвори неговата поранешна сопруга Жизел Пелико во феминистички херој. 

На останатите изречени им се следните казни
Жак Кубо беше осуден на пет години затвор.

Кирил Делвил беше осуден на осум години.

Лионел Родригез е осуден на осум години.

Кристијан Лескол беше осуден на девет години.

Чарли Арбо беше осуден на 13 години.

Николас Франсоа беше осуден на осум години затвор и неколкугодишна забрана да работи со деца.

Борис Мулен беше осуден на осум години.

Филип Лелеу е осуден на пет години, од кои две се условни.

Џозеф Коко беше осуден на три години.

Фабиен Сотон беше осудена на 11 години затвор.

Како што се изрекуваат казните, децата на Жизел, Дејвид и Керолин, се видно незадоволни.

Адриен Лонгерон е осуден на шест години затвор.

Жером Вилела беше осуден на 13 години затвор.

Дидие Самбучи беше осуден на пет години затвор.

Карим Себауи е осуден на 10 години затвор и плаче.

Винсент Кулет беше осуден на 10 години затвор.

Жан Марк Лелуп беше осуден на шест години затвор.

Патрик Арон е осуден на шест години, но денеска е ослободен поради здравствени проблеми и, според судијата, ќе биде сместен во специјален затвор.

Мохамед Рафаа беше осуден на осум години затвор.

Махди Дауди е осуден на осум години затвор.

Ахмед Тбарик е осуден на осум години затвор.