Поплави во САД – едно лице загина, предупредени 128 милиони луѓе
Најмалку едно лице загина кога поплави погодија неколку сојузни држави во јужниот дел на САД, а беа издадени предупредувања за над 128 милиони луѓе, објавија денеска американските медиуми.
Најтешко биле погодени делови од Кентаки, Арканзас, Тенеси и Вирџинија, каде паднал силен дожд, пишува New York Post.
Националната метеоролошка служба предупреди дека се очекуваат големи поплави во тие области. Седумдесет и тригодишен маж загина во Кентаки кога поројните поплави му го однеле автомобилот, соопштија локалните власти.
https://twitter.com/upikechaplain/status/1890899592847229153?ref_src=twsrc%5Etfw%7Ctwcamp%5Etweetembed%7Ctwterm%5E1890899592847229153%7Ctwgr%5E48e29e736fcbecb11623ee07d005ec08a13691a5%7Ctwcon%5Es1_&ref_url=https%3A%2F%2Fwww.b92.net%2Finfo%2Fsvet%2F104074%2Fpanika-preti-potop-milioni-ljudi-u-opasnosti-foto%2Fvest
Гувернерот на Кентаки, Енди Бешеар, прогласи вонредна состојба како мерка на претпазливост бидејќи се очекуваат поројни поплави.
„Сакаме сите да бидат внимателни. Поројните поплави, особено на патиштата, можат да создадат опасни услови“, нагласи Бешир.
Поплави ги погодија и државите Вирџинија и Западна Вирџинија каде многу патишта брзо се претворија во реки. Гувернерот на Западна Вирџинија, Патрик Морисеј, прогласи вонредна состојба во 10 окрузи, додека гувернерот на Вирџинија, Глен Јангинг ја распореди Националната гарда.
Метеоролозите издадоа предупредување за екстремни поплави во делови од северозападниот дел на Тенеси и југозападниот дел на Кентаки.