Петро му вели на Трамп: „Дојди да ме фатиш, те чекам!“

Колумбискиот левичарски претседател Густаво Петро испрати цврста порака до Доналд Трамп по драматичната американска операција во која американските специјални сили во Венецуела ги уапсија претседателот Николас Мадуро и неговата сопруга по обвинение за трговија со дрога, објавува Аксиос.

Како што тензиите во Латинска Америка нагло се зголемија, Петро не се двоумеше да го предизвика американскиот претседател, велејќи му: „Дојдете да ме фатите. Јас сум тука. Не ми се заканувајте – ќе ве чекам“, објави тој на социјалните медиуми.

Неговата изјава дојде откако Трамп посочи дека Колумбија би можела да биде цел на поширока американска акција против нарко-картелите во регионот. Петро цврсто ја отфрли секоја можност за странска воена интервенција на колумбиска почва.

„Не прифаќам инвазии, ракети или атентати – само разузнавачки информации“, рече тој, барајќи „факти, а не лаги“ и обвинувајќи ги домашните политички мафии за децении насилство и нееднаквост.