Патник се обидел да прошверцува над 300 тарантули во авион

Полицијата на аеродромот во Лима приведе патник откако кај него биле пронајдени над 300 тарантули, повеќе од сто стоногалки и други инсекти.

Некои од нив, кои патникот имал намера да ги прошверцува со авион во Јужна Кореја, се на листата на загрозени видови.

На 8 ноември, безбедносните службеници на аеродромот во Лима (ЛИМ) запреле сомнителен патник на контрадиверзантска проверка.

Чувар забележал како нешто се движи под облеката на патникот, кој поминал покрај детекторот за метал. Тој бил подложен на дополнителна проверка, а полицајците набрзо сфатиле што крие патникот.

Откриени се 325 тарантули, 110 стоногалки и девет мравки Paraponera clavata спакувани во пластични кеси. Тарантулите се загрозен вид во Перу и се животни кои живеат во амазонската џунгла.

Патникот се обидел да ги прошверцува во Јужна Кореја, пишува PYOK. Тој имал намера да лета со Ер Франс преку Париз до Сеул.

Грижата за животните ја презеде Националната служба за шуми и диви животни СЕРФОР. Службата вели дека очекува зголемување на нелегалната трговија со диви животни во пресрет на Божиќ, бидејќи колекционерите се обидуваат да добијат „сезонски подароци“.