Оригинален рецепт за традиционален унгарски гулаш: Јадење на кое е тешко да се одолее

Ако им кажете на Унгарците, дека го правите ова нивно традиционално јадење, кое е широко распространето во нашиот регион, од свинско месо, веројатно би биле воодушевени, но и изненадени.

Затоа што, вистинскиот унгарски гулаш, според традиционален рецепт, се прави исклучиво од говедско месо.

Ова јадење, кое е омилено на многумина, бара само многу време на крчкање за да биде совршено. И спаѓа во оние специјалитети што сите генерации со задоволство ги јадат.

Состојки:

500 г црн кромид

2 чешниња лук

800 г говедско месо

сол, билки, бибер,

црвена слатка мелена пиперка

мелена лута пиперка

ловоров лист

Подготовка:

Ситно исечкајте го кромидот, а потоа пропржете го во загреано масло на умерена до ниска температура, додека не омекне и не стане стаклесто.

Додадете го говедското месо кое претходно сте го исечкале на коцки. Веднаш додадете ги сите зачини – ловоров лист, сол, билки, бибер, мелен бибер во количина што ви одговара. Само оставете го лукот за на крај. Истурете доволно вода во тенџерето за да го покрие месото. После тоа, не додавате вода за време на готвењето.

Гулашот треба да го крчкате два до три часа на умерена температура, додека месото не омекне и гулашот не се згусне доволно. Кон крајот, додадете две цели чешниња лук за да го направите јадењето повкусно.

Гулашот послужете го со макарони или пире од компири, а палентата е одличен додаток.