Нова студија: Мистериозен вид живеел во Сахара, која некогаш била зелена површина

Пустината Сахара, која зафаќа област споредлива со најголемите земји на светот, била голема, зелена површина богата со вегетација и вода пред помеѓу 14.500 и 5.000 години, а најновата ДНК анализа на останките на две жени кои живееле во областа покажува дека била дом на мистериозен вид на жители изолирани од надворешниот свет.

Истражувачите ги анализирале првите геноми на луѓето кои живееле во „зелената Сахара“ пред 7.000 години, објави Ројтерс.

Научниците зеле ДНК од остатоците од коските на две жени закопани на местото Такаркори, на југозапад од денешна Либија.

Тие се природно мумифицирани и ги претставуваат најстарите познати човечки остатоци од мумифицирани останки.

– Во тоа време Такакори беше бујна савана со езеро, наспроти денешното пустинско подрачје, изјави археогенетичарот Јоханес Краузе од Институтот „Макс Планк“, кој е еден од авторите на студијата објавена оваа недела во списанието „Nature“.

Анализираните геноми откриваат дека жителите на Такакори биле дел од претходно непознат вид на луѓе кои живееле одвоено од субсахарските и европските популации илјадници години.

Пронајдените артефакти укажуваат на тоа дека се занимавале со одгледување припитомени животни, а пронајдени се и предмети како алатки од камен, дрво и животински коски, како и керамика и ткаени корпи.

Иако населението Такакори исчезна пред околу 5.000 години, нивното генетско наследство нуди нова перспектива и увид во античката историја на регионот, рече Краузе.