Њу Орлеанс: Повеќе престрелки на традиционална парада, две лица загинаа

Две одвоени престрелки беа пријавени на традиционалната парада за социјална помош Nine Times во Њу Орлеанс. Две лица загинаа, а 10 се повредени.

Како што соопшти локалната полиција, при првото пријавено пукање биле употребени два пиштола, а повредени се девет лица.

Набрзо во полиција било пријавено уште едно пукање, при што три лица биле повредени, а двајца им подлегнале на повредите.

Локалната полиција соопшти дека случаите се под истрага, но нема пријавени апсења.

На оваа парада, која се смета за исклучително важна меѓу Афроамериканците во Њу Орлеанс, ваков инцидент не е забележан од 2013 година кога 18 лица беа повредени, а едно лице загина во престрелка.

Граѓаните на Њу Орлеанс кои учествуваа на оваа парада изјавија дека се „потресени“ од овој настан, додека организаторите им се обратија на семејствата на жртвите со порака на сочувство.