Највисоката нација на светот, Холанѓаните, почна да се смалува

Дека Холанѓаните се највисоките луѓе на планетата, потврди и холандската канцеларија за национална статистика. Сепак, статистичарите открија дека оваа нација се намалува, пишува „Гардијан“. Една од причините за тоа е лошата исхрана.

Жителите на Холандија беа највисоките луѓе на планетата во последните шест децении, а најновите податоци покажуваат дека просечниот 19-годишник е висок нешто повеќе од 182,9 сантиметри, додека 19-годишните девојки се високи во просек 169,3 сантиметри.

Наодите на Канцеларијата за национална статистика покажуваат дека Холандија сѐ уште е на врвот на листата, на која се наоѓа од 1958 година.

Според „Гардијан“, младите мажи родени во 1967 година го заземаат второто место во рангирањето.

Во истражувањето учествувале 719.000 луѓе на возраст од 19 до 60 години, а било откриено дека мажите родени во 2001 година во просек биле пониски за еден сантиметар од генерацијата родени во 1980 година, додека жените во просек биле пониски за 1,4 сантиметри.

Причината за ваквите резултати е приливот на жители од други земји.

„Намалувањето е делумно поврзано со зголемената имиграција на помалите групи на население и децата родени од оваа популација во Холандија“, објаснуваат владините статистичари.

Тие додаваат дека има стагнација во растот кај оние генерации во кои двајцата родители се родени во Холандија, но и кај оние чии баби и дедовци се родени и во оваа земја.

„Не е забележано намалување на висината кај мажите без миграциско потекло, додека жените без миграциско потекло покажуваат надолен тренд“, велат експертите.

Научниците брзо понудија можни објаснувања, дури и можни решенија.

Д-р Гегт Шталп, од Факултетот за однесување и општествени науки на Универзитетот во Гронинген, рече дека би бил заинтересиран да види дали економскиот колапс во 2007 година можел да биде причина, бидејќи теориите сѐ уште се на ниво на шпекулации во моментов.

„Можеби нештата како финансиската криза значеа дека некои деца пораснале во полоши услови отколку во претходните генерации. Или можеби нееднаквоста се зголеми: знаеме дека нееднаквоста влијае на просечната висина, послабите услови во детството доведуваат до помал раст“, рече Шталп.

Сличен тренд е откриен и во САД, а д-р Шталп истакнува дека зголемената потрошувачка на нездрава брза храна може да биде фактор.

„Храната можеби се промени. Можеби исхраната има помалку хранливи материи важни за раст во последниве години. Се верува дека ова е причината зошто Американците се намалуваат; послаба исхрана, повеќе калории, но помалку хранливи материи. Намалувањето на висината, исто така, може да биде последица на повеќе луѓе кои исфрлаат производи од животинско потекло од нивната исхрана. Но, повторно, нема докази за тоа“, рече Штулп.

Сепак, тој не ја исклучува можноста за префрлување на поздрава храна како причина за одржување на Холандија на врвот на листата на највисоките луѓе во светот.

„Се разбира, постои физиолошка граница. „Луѓето навистина нема да пораснат до просечна висина од три метри“, нагласи тој.

Сепак, податоците се показател за Холанѓаните дека ништо нема да остане исто засекогаш. Пред повеќе од еден век, највисоките луѓе сѐуште беа главно во Северна Америка и северна Европа, а Шведска и Норвешка гордо стоеја пред сите.

Само во првата половина на првата декада на минатиот век, Холандија доживеа неверојатен скок во растот на своите жители, достигнувајќи го самиот врв на листата во 1950 -тите.