„Најки“ ги затвора корпоративните канцеларии на една недела – приоритет е менталното здравје

Компанијата Најки ги затвора своите корпоративни канцеларии една недела, но не поради пандемијата. Причината е желбата на раководителите – вработените да се „опуштат и да соберат сила“.  Тие сметаат дека е важно вработените да посветат внимание на своето ментално здравје поврзано со работното место.

Силна анксиозност, стрес, несигурност, страв и изолација се главните причини за нарушеното ментално здравје на многу Американци, посебно за време на корона-кризата.

Вишиот менаџер на компанијата Мат Мапацо објави објаснување на својата страница во Линкедин во врска со одлуката.

„Ова не е само една недела одмор за тимот … Ова е признание од наша страна дека можеме да му дадеме приоритет на менталното здравје и сепак да ја завршиме работата“.

Според него, компанијата ги разбира сите тешкотии со кои се соочени вработените.

„Време за одмор и закрепнување е клучно за добра работа и се надеваме дека оваа одлука ќе има позитивно влијание“.

„Nike HQ исто така се исклучува за цела недела одмор почнувајќи од следниот понеделник. Сите наши високи лидери испраќаат јасна порака: одвојте време да се опуштите, да се релаксирате и да поминете време со вашите најблиски. Не работете.”