Најдобриот пијалок за хидратација не е водата

Истражувањата покажуваат дека составот на пијалокот игра важна улога во тоа колку добро телото ќе остане хидрирано, а не само количината на консумирана течност.

Водата често се смета за најдобар избор за хидратација, но научниците откриле дека одредени пијалоци можат да задржат течности во телото подолго.

Студијата покажува дека составот на пијалокот игра клучна улога во одржувањето на хидратацијата, а не само вкупната количина на консумирана течност.

Млекото е издвоено како неочекувано ефикасна опција за подолготрајна хидратација, според студијата на Универзитетот Сент Ендрус во Шкотска.

Според резултатите од студијата, пијалоците што содржат одредени количини масти, протеини и шеќер му помагаат на телото да ги задржи течностите подолго. Во оваа смисла, млекото се покажа како поефикасно од водата, пишува Дејли Експрес.

Авторот на истражувањето, Роналд Моган, професор на Медицинскиот факултет на Универзитетот Сент Ендрус, објасни дека нутритивниот состав на млекото го забавува празнењето на течностите од желудникот.

Лактозата, протеините и мастите придонесуваат за постабилна хидратација во подолг временски период, додека натриумот во млекото помага во задржувањето на водата во телото и ја намалува количината на произведена урина, слично на растворите за орална рехидратација што се користат при дехидратација.

Коментар на нутриционистка
Нутриционистката Мелиса Маждумар, која не учествуваше во студијата, исто така ги коментираше наодите од истражувањето. Таа истакна дека електролитите, како што се натриумот и калиумот, ја подобруваат хидратацијата, додека калориите во пијалоците го забавуваат празнењето на желудникот и излачувањето на урина.

Експертите, исто така, наведуваат дека млекото обезбедува осум есенцијални хранливи материи, вклучувајќи калциум. Според регистарот на нутритивни и здравствени тврдења на Европската Унија, хранливите материи од млекото придонесуваат за нормално функционирање на бројни телесни процеси.