На колку години треба да престанете да пиете алкохол: Британски невролог дава совети

Постои пресвртница во животот кога треба да кажете не на пивото, или на алкохолот воопшто, тврди британски невролог.

Пивото е еден од најпопуларните алкохолни пијалоци во светот, но има „момент“ кога треба да престанете да го пиете, објаснува неврологот д-р Ричард Рестак, пишува metropolitn.si.

Причината не е „пивски стомак“, туку нешто многу посериозно.

„Алкохолот е многу, многу слаб невротоксин“, изјави д-р Рестак за Lad Bible. „Не е добро за нервните клетки“.

Затоа е особено важно да се спротивстави на алкохолот во периодот кога зачувувањето на невроните е клучно.Критичната возраст е 65 години.

Зошто тогаш?

„Во идеален свет“, објаснува д-р Рестак, „секој треба да почне да го намалува внесот на алкохол по 65-годишна возраст и целосно да престане да пие до својот 70. роденден“.

Оваа препорака произлегува од добро познатата поврзаност на прекумерната консумација на алкохол со зголемен ризик од развој на деменција.

Зошто 65-70 години?

Во тој период, бројот на неврони во мозокот и врската меѓу нив почнува значително да се намалува, што доведува до намалување на мозочната маса, а последица на тоа е пад на физичките и когнитивните способности.

Иако можеме да се обидеме да ја избалансираме со поздрав начин на живот, како што е повеќе вежбање, најдобро е да се спречи оштетувањето од самиот почеток.

Можеби на некои им изгледа тешко да се откажат од пивото во пензија – периодот кога конечно можете да си дозволите малку да се опуштите – но тогаш телото е најчувствително на штетните ефекти на алкохолот, па затоа е мудро да го избегнувате.

„Силно препорачувам, ако имате 65 години или повеќе, целосно и трајно да го елиминирате алкохолот од вашата исхрана“, советува д-р Рестак.

Секако, одлуката е лична.