Меланија Трамп со тивок гламур ја почна празничната сезона
Вашингтон – На годишниот Конгресен бал во Белата куќа, Меланија Трамп (55) повторно беше во центарот на вниманието, не само поради нејзината беспрекорна модна изјава, туку и поради неочекуваната најава за нов проект. Првата дама се појави во црна чипкана блуза со дискретни транспарентни детали, кои ги комбинираше со елегантно скроена црна кадифена јакна и сатенски детали, идеални за празничните денови што претстојат.
Комбинацијата од омилени материјали од празничната сезона му даде на целиот аутфит доза на префинет гламур без претерување. Косата и беше пуштена во меки бранови, нејзината шминка беше празнична како што се очекуваше во вакви пригоди, а чипката, во која не ја гледаме често, особено за време на официјалните појавувања, се покажа како главен моден адут на вечерта. Целата комбинација беше подигната и од луксузниот прстен што го носеше на левата рака.
Додека Доналд Трамп се одлучи за проверен смокинг со вратоврска-машна, Меланија повторно покажа зошто нејзините модни изданија секогаш се следат со посебно внимание. Но, покрај модата, вечерта донесе и мало изненадување. За време на нејзиното обраќање до гостите, Меланија откри дека подготвува нова законска иницијатива, планирана за 2026 година, и дека проектот е веќе во тек. „Се надевам дека ќе бидете возбудени да ја поддржите мојата нова иницијатива. Некои од вас веќе знаат за што станува збор“, рече таа, додека Доналд Трамп, видливо изненаден, призна дека ова е прв пат да слуша за тоа.
„Знам само едно: ќе биде одлично за децата“, рече претседателот. „Не знам точно што прави Меланија, но знам дека ги сака децата и ова ќе биде одлично.“ Најавата на Меланија доаѓа само неколку недели откако таа ја основа сопствената продуцентска компанија, Muse Films, и документарецот „Меланија, филмот“ ќе се појави во кината на 30 јануари. Филмот, чие снимање треба да започне кон крајот на 2024 година, ќе даде поинтимен поглед на преселбата на семејството Трамп во Белата куќа по нивната претседателска победа. Во документарецот ќе се појави и нивниот син Барон, 19-годишен студент на Универзитетот во Њујорк, кој во последните месеци се држеше подалеку од очите на јавноста.