Лукашенко го чека голем список на санкции
Доколку режимот во Белорусија веднаш не ослободи 400 политички затвореници со санкции ќе биде погоден клучниот сектор на калиум и фосфат, а државата не ќе може да издава обврзници во Европа
Германскиот министер за надворешни работи Хајко Мас го предупреди белорускиот лидер Александар Лукашенко дека санкциите воведени по киднапирањето на авионот на „Рајанер“ се само почеток доколку неговиот режим не ослободи политички затвореници. „Ќе продолжиме да разгледуваме какви последици ќе имаат [овие санкции] во Белорусија, дали Лукашенко ќе попушти. И ако не е така, треба да претпоставиме дека ова ќе биде само почеток на голема и долга спирала на санкции “, рече Мас на неформалниот состанок на министрите за надворешни работи на ЕУ во Лисабон.
Можни мерки: По состанокот, тој рече дека санкциите мора да бидат „ефикасни“ со насочување кон деловните сектори кои се важни за белоруската економија. „На пример, компании од секторот калиум и фосфат“. Покрај тоа, ЕУ гледа на насочување кон „финансиските можности“ како „трансакциите за плаќање“, рече тој: „Исто така, постои прашање до кој степен на Белорусија сè уште треба да ѝ се дозволи да издава државни обврзници од белоруската држава или од Централната банка во Европа во иднина“.
„Првиот сигнал што го очекуваме е дека повеќе од 400 политички затвореници ќе бидат ослободени. И сѐ додека не е така, не може да има опуштеност од страна на Европската унија кога станува збор за воведување нови санкции“, рече Мас. Во меѓувреме, министрите за надворешни работи на земјите од Г7 повикаа на „итно и безусловно ослободување“ на притворениот новинар Роман Протасевич „како и на сите други новинари и политички затвореници кои се наоѓаат во Белорусија“, велат министрите во заедничката изјава.
Австрискиот министер за надворешни работи Александар Шаленберг повика на умереност, велејќи дека „мора да бидеме внимателни и да не ги погодуваме луѓето во Белорусија“ со санкциите, туку само режимот. Тоа ќе биде тешко тешко да се постигне барем на краток рок: белорускиот национален авиопревозник „Белавија“ ги откажа летовите кон осум земји во четвртокот како резултат на забраните за летови и прелети.
Белорусија во четвртокот беше лишена од Европско првенство во велосипедизам. Енрико Дела Каса, претседател на Европската унија за велосипедизам, рече: „Неодамна ја следевме состојбата со Белоруската велосипедска федерација, која сега се претвори во меѓународна дебата и денес за време на состанокот на Управниот одбор, решивме да го откажеме настанот во Минск“. Земји, вклучувајќи ги Холандија, Германија и Велика Британија, веќе одлучија да се повлечат од настанот во јуни. Литванија, која исто така одлучи да не настапува, се понуди да го организира шампионатот во градот Паневежис.