Крај на една ера: „Фиат типо“ заминува во историјата по повеќе од една деценија производство

„Стелантис“ неодамна потврди дека производството на моделите „Алфа Ромео Џулија“ и „Стелвио“ ќе трае до 2027 година, но не сите возила од овој автомобилски гигант ја делат истата судбина.

Долгогодишното семејство „типо“ на „Фиат“ ќе се затвори кон средината на 2026 година, без директен наследник на повидок.

Фиат првично планираше да го прекине производството на „типо“ на 31 декември 2025 година. Сепак, Турците успеаја да го продолжат договорот за производство со „Стелантис“ за уште шест месеци, продолжувајќи го животниот век на моделот до 30 јуни 2026 година.

Како што пишува Quattroruote, ова проширување ќе го задржи компактниот модел на „Фиат“ во играта уште некое време, иако профитот останува непроменет.

Сегашниот „типо“, кој се продава во Турција како  „егеа“, е на пазарот од 2015 година. Започна како седан, хечбек и караван (SW), а по редизајнот во 2020 година, беше воведена „вкрстена“ верзија на хечбекот за да се прошири гамата.

Две години подоцна, Fiat му даде на караванот ист груб изглед и воведе благ хибрид, обидувајќи се да го задржи моделот релевантен во ерата на построги еколошки прописи и менување на навиките на клиентите.

Во текот на изминатата деценија, „Тофаш“ произведе околу 700.000 примероци од моделот „типо“ во Турција, кои беа извезени на бројни светски пазари.

И покрај тие бројки, Stellantis одлучи да не го финансира развојот на новата генерација, што го означи крајот на присуството на „Фиат“ во овој автомобилски сегмент.

Наместо да развива нов „типо“, „Фиат“ сега ги фокусира своите напори на проширување на семејството „панда“. Покрај постојните модели „пандина“ („старата „панда“) и „гранде панда“, линијата треба да вклучува уште два модели, вклучувајќи и еден SUV, до 2027 година.

Вториот би можел да заземе слична позиција на пазарот како и сегашниот „типо крос“, наменет за клиенти кои сакаат подигната положба на седење без да жртвуваат компактните димензии.

Новиот SUV инспириран од „панда“ ќе ја задржи прифатливата цена на „типо“, слична на „ситроен це 3 еркрос“ и „опел фронтера„, кои ја делат истата механичка платформа Smart Car.

Тој нов модел на италијанската марка ќе се нуди во бензинска, блага хибридна и целосно електрична верзија.

Бидејќи производството на „типо“ завршува кон средината на 2026 година, постојните залихи ќе се задржат во салоните уште некое време.

Кога ќе ги снема, јужноамериканскиот модел „кронос“ ќе остане единствениот седан на „Фиат“ во светот.