Кога младите во ЕУ го напуштаат гнездото?

По повод Меѓународниот ден на младите, Евростат ја анализира просечната возраст на која младите луѓе го напуштаат родителското домаќинство. Во 2020 година, во ЕУ, младите луѓе го напуштаа своето родителско домаќинство во просек на возраст од 26,4 години. Меѓутоа, овој просек варира помеѓу различните земји -членки на ЕУ.

Најстарите просечни возрасти, сите на 30 години или повеќе, се евидентирани во Хрватска (32,4), Словачка (30,9), Малта и Италија (и двете 30,2) и Португалија (30,0 години). Спротивно на тоа, Данска (21,2 години), Луксембург (19,8) и Шведска (17,5) забележале најниски просечни возрасти, сите помлади од 22 години.

Во повеќето северни и западни земји, младите луѓе го напуштаа родителскиот дом во просек во раните до средината на дваесеттите години, додека во јужните и источните земји просечната возраст беше во доцните дваесетти години или раните триесетти години.

Мажите остануваат подолго од жените во родителскиот дом

Во ЕУ, во просек, мажите го напуштиле родителското домаќинство на возраст од 27,4 години, а жените на 25,4 години. Овој тренд беше забележан во сите земји, односно младите жени во просек се иселувале од родителското домаќинство порано отколку младите мажи. Единствениот мал исклучок беше Шведска каде што жените во просек заминувале 0,1 година по мажите.

Најголемите родови разлики беа пронајдени во Романија, каде што младите мажи заминуваа на 30,0 години, и жените на 25,5 години (4,5 години родова разлика), потоа Бугарија (4,2 родова разлика) со мажи кои се иселувале на 32,0, а жените на 27,8 години. Во Хрватска, младите мажи и жени се иселувале на возраст од 34,0 и 30,9 години, соодветно, што претставува трет најголем родов јаз од 3,1 години.

Шведска, Луксембург и Естонија забележаа најмали родови разлики со 0,1, 0,4 и 0,5 години соодветно помеѓу младите мажи и жени кои го напуштаат родителскиот дом.

Разликата меѓу половите беше поизразена во земјите каде што младите луѓе го напуштаат родителскиот дом подоцна и помалку изразени во земјите каде што заминуваат порано.