Кинеските астронаути се вратија на Земјата по шест месеци поминати во Вселената

Тројца кинески астронаути се вратија на Земјата по шест месеци на кинеската вселенска станица.

Модулот за слетување на екипажот полека се спушти во Внатрешна Монголија, Кина, откако се одвои од капсулата за враќање, спуштајќи се со голем падобран во Донгфенг, на работ на пустината Гоби.

Нивното враќање беше одложено за еден ден поради силни ветрови и слаба видливост.

Областа е склона кон песочни бури во ова време од годината.

Астронаутите, беа испратени на вселенската станица Тиангонг во октомври, а во вторник ја предадоа контролата врз станицата на новиот екипаж што неодамна пристигна да ги замени.

Екипажот кој се врати на земјата на својот лет кон вселената со себе носеше опрема за вселенски науки за живот, физика на микрогравитација и нова технологија за вселенската станица.

Вселенската станица Тиангонг, или „Небесната палата“, ја направи Кина главен играч во новата ера на истражување на вселената и користењето на постојани станици за спроведување експерименти во вселената, особено затоа што беше целосно изградена од Кина откако земјата беше исклучена од Меѓународната вселенска станица поради загриженост за националната безбедност на САД.