Катастрофа во Словенија: Во невремето најмалку три жртви, двајца од Холандија (Галерија)

Најмалку три лица загинаа како последица на невремето и катастрофалните поплави што ја зафатија Словенија, објави словенечката новинска агенција СТА. Еден Словенец загина во областа Камник, а двајца Холанѓани во планините околу Крањ.

Околностите на смртта сѐ уште се утврдуваат, соопшти полицијата за агенцијата. „Се чини дека смртта во Камник е последица на поплави, а Холанѓаните загинале од удар на гром. Околностите на смртта се уште се утврдуваат“, изјави Маја Адлешич Циперле од полицијата.

Рекордните врнежи, кои главно предизвикаа поплави во северниот дел на Словенија, не се ни при крај, предупреди во петокот метеорологот Бране Грегорчич од Словенечката агенција за животна средина (Арсо).

Главниот дел од најсилните врнежи ќе се движи кон југоисток од земјата, а потоа долж границата со Хрватска кон североисток. Времето си го направи своето“, рече Грегорчиќ на прес-конференцијата. Според него, количината на врнежи што паднала во 12 часот била поголема од најверојатните сценарија, на места наврнале и околу 200 милиметри врнежи на метар квадратен.

Почнаа да поплавуваат и водотеци, а се очекуваат и поплави на Крка, Сава, Драва и Дравиња, изјави хидрологот Јанез Полајнар.

Врнежите ќе продолжат и во текот на денот, тешки услови се очекуваат денеска на југоисток од Словенија, особено во областа Кочевски, во областа Купа и Бела Краина долж хрватската граница. Утре во текот на денот врнежите ќе ослабат, а во недела навечер ќе престанат, изјави Грегорчич.

Командантот на цивилната заштита, Сречко Шестан, рече дека на многу места пристапот до загрозените подрачја е невозможен. Од кампот Менина со хеликоптер мораше да се извлечат неколку лица, а има и проблеми со комуникацијата.

Ситуацијата е најтешка во Корушка, понекогаш дури и хаотична, изјави за СТА провинцискиот командант за цивилна заштита Алан Матиевиќ. Надојдената река Мислиња го урна мостот на главниот пат Дравоград-Словењ Градец во Отишки Врх, непроодни се и неколку други патишта, многу области се поплавени, а на места нема вода за пиење и сигнал од мобилен телефон.

#Predano Helikopterska posadka @Slovenskavojska izvaja evakuacijo iz območja Škofje Loke. Okoli 100 pripadnic in pripadnikov SV aktivnih na drugih območjih.
📽 Tina Kurdija pic.twitter.com/CExGPC9RDs

— Slovenska vojska (@Slovenskavojska) August 4, 2023

„Ситуацијата не се подобрува, сѐ уште имаме вонредна состојба, имаме огромен број подрачја под вода, патиштата се отсечени и поплавени, мостовите пропаднати“, рече Матијевиќ. Според досегашните податоци, голем дел од инфраструктурата во регионот е уништена и поплавена.

Поради надојдените реки Межа и Мислиња и поројните дождови има многу барања за евакуација на луѓето, но моментален проблем се непроодните патишта, како и влошувањето на времето поради што не може да се побара помош од хеликоптер, рече Матијевиќ.

Регионот побара и дополнителни вреќи песок против поплави, но во моментов не можат да ги добијат поради прекинатата сообраќајна врска меѓу Корушка и другите делови на Словенија.

Поради поплави и одрони затворени се многу патишта, меѓу кои и некои поголеми. Поради лошите временски услови и поплавите, комуналните претпријатија од западните и северните делови на земјата ги повикуваат жителите да зовриваат или користат флаширана вода. Мерките во моментов се однесуваат на голем дел од Горењска, како и на одредени области на Приморска, Корушка, Савињска долина и централна Словенија.

Словенечки херои: Пожарникарите спасиле 22 деца од поплавената градинка