Јужна Кореја започна со демонтирање на звучниците долж границата со Северна Кореја

 Јужна Кореја денеска започна со демонтирање на звучниците за пропагандни емитувања инсталирани по должината на границата со Северна Корејак, соопшти Министерството за одбрана на земјата.

Министерството соопшти дека овој потег е дел од „практични мерки“ за ублажување на тензиите меѓу двете земји без да се влијае на борбената готовност на војската.

Во јуни, претседателот Ли Џе-мјунг нареди прекин на емитувањето на звучниците во Северна Кореја во обид да се ублажат тензиите и да се врати довербата.