Информатичар се обложил дека вештачката интелигенција ќе го уништи човештвото до 2030 година

И покрај големото исчекување со кое се очекува вештачката интелигенција да ни го подобри животот, некои експерти веруваат дека таа ќе го уништи човештвото до 2030 година.

Меѓу нив е и американскиот информатичар Елиезер Јудковски, кој се обложил 100 долари токму на тоа. Тој е еден од најистакнатите истражувачи на Институтот за проучување на машинската интелигенција во Беркли, Калифорнија.

Во својата статија за списанието Тајм, тој забележува дека ако некој репродуцира премногу силна вештачка интелигенција денес и под денешни услови, целото човештво и биолошките видови би исчезнале многу кратко потоа.

„Резултатот од судирот на човештвото против натчовечката интелигенција ќе заврши со целосна загуба. Валидни метафори во овој случај се: „10-годишно дете се обидува да игра шах против Стокфиш 15“, „11 век се обидува да се бори против 21 век“ и „астралопитекусот се бори со хомосапиенс“.

Тој верува дека вештачката интелигенција ќе го збрише човештвото, бидејќи ако нејзината  интелигенција ја надмине човечката, тогаш ќе почне да ги менува нашите вредности и цели. Други експерти кои веруваат дека вештачката интелигенција ќе ја „уништи цивилизацијата“ се милијардерот Илон Маск и покојниот Стивен Хокинг, но тие нњ се обложуваат на точен датум.

Маск со години предупредува за вештачката интелигенција, но не мисли дека таа ќе го уништи човештвото бидејќи е „премногу интересен дел од универзумот“. Но, тој исто така се обложува дека до 2030 година машините ќе бидат попаметни од луѓето.

Хокинг предупреди дека вештачката интелигенција „ќе почне да се само-полни со извонредна брзина што луѓето едноставно нема да можат да ја издржат поради нивните биолошки ограничувања“.

„Се соочуваме со експлозија на интелигенција која на крајот ќе ги направи машините попаметни од луѓето како што сме моментално попаметни од полжавите“, оцени тој.