Индија со нов рекорд, од Ковид-19 за еден ден заразени над 96.000 лица

Во Индија е забележан нов рекорден дневен пораст на бројот на лица заразени со коронавирус – 96.551 случаи, како што беше потврдено денеска.

Бројот на лица заразени со вирусот во Индија расте побрзо отколку на кое било друго место во светот, а Соединетите Американски Држави се единствената земја што е потешко погодена од пандемијата.

Бројот на смртни случаи од последиците од Ковид-19 остана релативно низок, но во последно време е забележан тренд на раст, со над илјада смртни случаи во последните десет дена.