Харви Вајнштајн доби уште 16 години затвор за силување

 Поранешниот холивудски продуцент Харви Вајнштајн е осуден на 16 години затвор поради силување глумица во 2013 година.

Вајнсштајн (70) беше осуден во Судот во Лос Анџелес, каде што поротата уште во декември го прогласи за виновен. Обвиненијата се однесуваат на сексуален напад врз поранешна манекенка и актерка, која на суд беше именувана „Н.Н.“, а тој ја силувал во хотел во Лос Анџелес во февруари 2013 година.

Вајнштајн, инаку со-основач на продуцентската куќа „Мирамакс“, ќе треба да ја отслужи новата казна по истекот на 23-годишната казна затвор за сексуален напад изречена во Њујорк.