Го прашаа Трамп за дроновите во Полска додека излегуваше од ресторан

Полската војска рано утрово објави дека соборила беспилотни летала што го нарушиле нејзиниот воздушен простор за време на рускиот напад врз соседна Украина.

„Распоредено е оружје, а службите активно работат на лоцирање на соборените објекти“, објави Полската оперативна команда. Тие додадоа дека е во тек воена операција и ги повикаа жителите да останат во своите домови. Полска е членка на НАТО алијансата, трансатлантски одбранбен пакт во кој учествуваат САД, кој го применува принципот дека нападот врз еден е напад врз сите.

Еден новинар го праша американскиот претседател Доналд Трамп, додека го напушташе ресторанот, како ја коментира „инвазијата на руски беспилотни летала во Полска“. Трамп не одговори, туку им мавна на пропалестинските демонстранти кои беа пред ресторанот. Потоа влезе во автомобилот. Не е јасно дали воопшто го слушнал прашањето со оглед на тоа што демонстрантите гласно свиркаа.