Германија и Франција се борат олигарсите на Путин да не останат без БМВ и „мерцедеси“

БРИСЕЛ – Руските олигарси се радуваат: Сè уште нема да мораат да се збогуваат со нивните фенси БМВ или „мерцедеси“. Германија се спротивставува на напорите на Европската унија да ја затвори дупката што им овозможува на висококвалитетните стоки, вклучително и луксузните автомобили, да стигнат до Русија преку Белорусија, изјавија четворица дипломати на ЕУ за ПОЛИТИКО.Тројца од нив рекоа дека Франција го правела истото тоа. 

Опозицијата од Берлин и Париз ги наведе земјите на ЕУ да размислат дали да го поделат 14-тиот пакет санкции против Русија со слични мерки против Белорусија, со цел да се постигне договор навреме за годишниот самит на Г7 што ќе се одржи во Италија на 13-15 јуни. Тоа би ѝ овозможило на ЕУ да продолжи со големите санкции за гас, а истовремено да ја започне борбата за санкциите кон Белорусија.

ЕУ ја соочи Белорусија со санкции пред Москва да ја нападне Украина, казнувајќи го Минск поради лажните претседателски избори во 2020 година на кои автократскиот владетел Александар Лукашенко ја освои победата и ги претепа мирните демонстранти. Но, санкциите против Минск не се толку далекусежни како оние воведени против Москва – овозможувајќи и на Белорусија да стане попатна станица за санкционираните стоки да стигнат до Русија. Двете земји делат царинска унија и се тесно интегрирани.

„Ако преземеме слаби мерки за Белорусија додека знаеме дека стоката пристигнува во Москва преку Минск, тоа е малку смешно“, рече еден од дипломатите на ЕУ, кој доби анонимност како и другите интервјуирани за оваа приказна за да зборува за доверливите разговори.

Лимузината „мерцедес“ е врвен статусен симбол за секој самопочитуван руски олигарх или апаратчик. Тие долго време беа позната глетка на улиците на Москва и другите руски градови.Самиот претседател Владимир Путин се возеше во блиндиран „мерцедес пулман“ пред да се префрли во руско производство пред неколку години.

„Принципот е јасен: штом ќе се одобри санкцијата, мора да се затворат сите дупки. Кога извозот на луксузни стоки во Русија е забранет, таквата стока не смее да стигне до Русија преку трети земји“, рече Золт Дарвас, виш соработник во тинк-тенк „Бројгел“.

Увозот на автомобили од ЕУ во Белорусија порасна минатата година на 2,6 милијарди долари, што е повеќе од четирикратно зголемување во споредба со 2021 година, според германскиот економски тим, кој ги советува земјите вклучувајќи ги Украина и Косово во име на германското Министерство за економија.

Истражувачите забележаа најголем релативен пораст во секторот на луксузни автомобили, кој сочинуваше две третини од вкупниот пораст на увозот со вредност од 1,4 милијарди долари. Имајќи предвид дека порастот е во спротивност со случувањата на домашниот пазар на автомобили во Белорусија, тој е веројатно поврзан со понатамошен реекспорт во Русија, забележуваат тие.

Француски дипломат истакна дека Париз е за „силни санкции против земјите што ги заобиколуваат санкциите“, но рече дека фокусот треба да биде „на стоките што им служат на руските воени напори“. На сличен начин, германски дипломат нагласи дека „Германија поддржува силни мерки против заобиколувањето на санкциите, но дека фокусот треба да биде на стоките што се релевантни за руската агресивна војна“.

Противниците на продажбата на луксузни стоки во Русија би се спротивставиле на тоа. Според нив, претседателот Владимир Путин сака да ја задржи  елитата на негова страна, а со тоа и  неговата сопствена позиција во Кремљ безбедна – токму со тоа што ќе се погрижи неговите врвни сојузници да имаат гурманска храна и автомобили од високата класа.

Во меѓувреме, европските престолнини се блиску до договор за забрана за реекспорт на руски течен природен гас – прв таков историски што може да ја лиши Москва од неколку милијарди профит. Франција, Шпанија и Белгија беа главни центри за увоз на руски ЛНГ, од кој голем дел потоа повторно се извезува во други европски земји вклучувајќи ги Германија и Италија.

Но, со оглед на тоа што Унгарија е гласен противник на санкциите поврзани со енергијата а неколку други престолнини кои сакаат повеќе детали за потенцијалните последици, останува нејасно дали тој дел од пакетот навистина ќе биде договорен пред состанокот на Г7 следната недела – кој беше ставен како неофицијален краен рок. 

„Ако трите членки на ЕУ од Г7 сакаат да слетаат во Пуља со убав пакет санкции во нивните торби, ќе мора да покажат чувство на консензус“, рече петти дипломат.