Филсмски грабеж во Атина: Украделе 15 вреќи со пари, па фрлиле боја врз шофершајбната и ги дупнале гумите

Околу еден милион евра, според првичните неофицијални информации на грчките медиуми е „пленот“ на четворица вооружени и маскирани лица кои попладнево во атинско предградие ограбиле комбе што пренесувало пари, јави дописничката на МИА од Атина.

Грабежот се случил пред позната продавница за играчки, каде што бил паркирано комбето.

Како што пишуваат грчките медиуми, маскираните лица му пришле на возачот и под закана со оружје извадиле околу 15 вреќи со пари, по што фрлиле боја на шофершајбната, ги дупнале гумите на комбето и побегнале.

Засега нема официјална потврда за точниот износ на пари, меѓутоа медиумите во Грција објавија дека станува збор за околу еден милион евра, а можеби и повеќе.