Експлозија на гас во станбена зграда во Турција: Едно лице загина, 16 повредени

Едно лице загина, а најмалку 16 се повредени во експлозија на гасна инсталација во станбена зграда во градот Чорум, северна Турција, соопшти градоначалникот Али Чалгaн за турската радиотелевизија ТРТ.

Градоначалникот посочи дека состојбата на тројца од повредените е критична.

Експлозијата се случила на еден од катовите во петкатната зграда на централната улица „Османџик.“

Пожарната служба информира дека причината за експлозијата најверојатно е дефект во гасната инсталација на зградата. Поради празничниот ден, повеќето жители биле дома.

Настанот предизвика штета и на соседните објекти и автомобили. Жителите на зградата се евакуирани, а населбата е обезбедена.

Формирана е комисија за истрага на причините за експлозијата.