Драма во Грција: Гори рафинерија, сè е сопрено, а наредена е итна евакуација (видео)
Голем пожар избувна на територијата на нафтената рафинерија во Агиа Теодора на патот од Атика кон Коринтија.
Грчката противпожарна служба соопшти дека се мобилизирани копнени и воздушни сили за гаснење на пожарот.
Σε εξέλιξη η μεγάλη φωτιά στις εγκατασάσεις της Motor Oil στους Αγίους Θεοδώρους – Εκκενώνεται η ευρύτερη περιοχή pic.twitter.com/X9bfujy075
— Dimitris Perros (@dimperros) September 17, 2024
Пожарот во моментов не им се заканува на наполнетите цистерни, но гаснењето се смета за тешка операција и планот е да се намокри целиот периметар за да се спречи ширење на пламенот.
Тројца работници со полесни повреди се пренесени во болница.
Βίντεο που μου έστειλε η φίλη μου.
Μοτορ οιλ τώρα. pic.twitter.com/Lh0OFgt93t— 𝕏𝕣𝕚𝕤𝕒𝕜𝕚 𝕡𝕒𝕡 (@XrisakiPap) September 17, 2024
Густ црн чад се гледа од неколку километри, додека жителите од околните населени места добиле порака да се евакуираат.
Локалните медиуми јавуваат дека мазутот гори и дека според првичните проценки пожарот најверојатно настанал од експлозија при чистење на резервоарот.
#εκρηξη #φωτια #MotorOil pic.twitter.com/iXZHgyh5ri
— antonis kelaidonis (@antonkelaidon) September 17, 2024
Итно е запрен патниот и железничкиот сообраќај, а се очекуваат доцнења и откажувања на летови.
Министерот за цивилна заштита Василис Кикилијас го информираше премиерот Киријакос Мицотакис за пожарот во рафинериите.